कत्था (भाषा)
कत्था आलर ही बई ती उरूखका आ मनेता हहस तली एकदा नन्नर गूटी तंगआ कत्थन अंडसतअना घी नलख़ ननी मलता तंगआ जिया नू चो-चका घो खन नन्नर गूटी अंडसत अना दिम कत्था तली।
(भाषा मानव के मुख से निकली वे सार्थक ध्वनियाँ हैं जो दूसरों तक अपनी बात पहुँचाने का काम करती है, उसे भाषा कहते हैं।)
कत्था घी सेब्बा नलाख़ कच्छनाखरूती भाखान नन्नर गुटी अड़सती कत्था घी रूपे नू आलर कच्छानार भाईर मल अदिन टूड़नार की हूँ तघाये धोख़न (विचार) ती हूँ नन्नर गुटी अड़तानार । इन्नेम बेसे कत्था गहि एँड गुटानग डड़ा र’ई।
(भाषा का मुख्य कार्य वक्ता की बात को दूसरों तक पहुँचाना है। भाषा के माध्यम से मनुष्य बोलकर ही नहीं लिखकर भी अपने विचार दूसरों तक पहुँचाता है। इस प्रकार भाषा के दो रूप हैं।)
कत्था ऍड़ बरन ही मनी (भाषा दो प्रकार के होते हैं)
(1) बईती (मौखिक)
(2) टूड़का (लिखित)
1.बईती कत्था (मौखिक भाषा) –
बईती कत्था नू तंगआ छमहे ता आलर गने बईती कच्छनखरतारई। इय्या ब’ऊ अरा मिनुर मजही कत्था मनी। एड़पा नू पे-ठ नू, भख़ाबख़ड़े नू हुरमी अड्डा नाम बईतिम कच्छन ख़ररदत, एड़पा-पली, चा-ली-बली, जतरा सेन्दरा नू आलर बईतती कंच्छनख़रनर।
2. टूड़का कत्था (लिखित भाषा) –
एक आलर नम्हय हेद्दे या छमहे मल्लर, आर गने तंगआ घो-ख़न मन गुनन (भावो को) तेंग्गामे नाम कत्था ही टूडका रूपेन बेवहार नन्दत। टूड़का कत्था थीर मनी, अदिन चहे नाम एवंदअम उल्ला गूटी जतनअर उइय्या ओंग्गदत। लूरगर पुरखर ही घो-ख़न नाम आर ही टूड़का पुथिन बचअर अख़आ ओंग्गदत। इन्ना हूँ एका घो-ख़लूर चिंऊ मदहे अरा बरना पिढ़िन तेंग्गना जोगे र’ई अदिन नाम टूडर जतनअर उइय्या ओंग्गदत। अदिन कत्थपंडी हूँ ब’अनर।
सिकि (लिपि)
तंगआ कत्थन टूड़का रूपे चिआ गे सिकि घी चाड़ मनी। बई ती उरूखका हहसन ए-दआ गे जोक्क चिन्हा टिपिचका र ‘ई। हहस ही हुरमिन्ति सन्नी मुठनन ए-दआ गे चुगुल चिन्हा (संकेत चिन्ह) चिपिचका र ‘ई, अदिन तोड़ बअनर। हुरमी कत्था नू तोड़ गे नन्ना- नन्ना किसिम घी तोड़-चिन्हा बनचकी र ‘ई। आ तोड़-चिन्हन जुटअर बक, बकन जुटअर बकपून अरा बकपूनन जुटअर कत्था बन’ ई। आ टिपिरक तोड़ चिन्हा रूड़आनुम सिकि बअनर
संवसे नू अनइत कत्था र’ई अबड़ा हुरमी गहि नामे जुदा-जुदा र ‘ई। अन्नेम आ कत्था गहि सिकि ही नामे हूँ जुदा-जुदम र ‘ई। एकासे का – हिन्दी ही देवनागरी, अंग्रेजी ही रोमन, उर्दू ही फारसी, पंजाबी ही गुरूमुखी, संस्कृत ही देवनागरी, संताली गहि ओलचिकी, अन्नेम कुँडुख़ भखा गे हूँ लूरगरियर लिपि ओथर, तोलोंग सिकि। तोलोग सिकि गढ़उस – डॉ० नारायण उराँव, पद्दा सैन्दा
लय (अनुतान)
सेब्बम नाम कच्छनखरदत होले एकअम हहसन उजगोम मल ओथोरदत मुंदा अदिन अरगअना-एत्तअना हूँ मनी । ई एत्तअना-अरगअना आबीरी मनी एकाबीरी नाम जिया ता चो-चका-हयकट, दुक्खे, सुक्खे, चिड़गना कत्थन बआ बेद्दता आ बीरिम लब्ज किइय्या-मंइय्या मनी कुंडुख बेंज्जा डण्डी पाडो बिरि रागे घी लय अरगअनार एतअनार लय अरा लबजान मेना की जीया नू ख़जलखो उरखी कली। अनेम नना डण्डी अरा कत्था गुटी हूँ मेनना की जीया नू पूंपा लेखा सुभीई। गोट्टा बक मलता वकपून नुम ताल इत्ती- अरगी। ई ताल ही एत्तना अरगनानुम लय बअनर
नमुद गे ओंटा ‘कालोन’ बकन ए-रा। ई बकन बओ बीरी तालन अरगअना एतअना ती इदि घी मने जुदा-मनी काली। मुन्ता सेब्बा बक मनी, एंडता हयकटरना बक अरा मून्दता मेनता बक मनी काली,
कालोन ! सेब्बा बक
कालोन ! हयकटरना बक
कालोन ? मेनता बक
मइता बक नू सरह अरा हरह तोड़ ओटंम र’ई मुंदा ताल अरा लय बदलारना चड्डे मुन्ता बक सेव्वा एंडता बक हयकटरना अरा मून्दता बक मेनता मज्जा केरा।
हहस (ध्वनि)
नन्ना कत्था लेखआ कुँडुख नू हूँ आलर ही बई ती हहस उरखी। कत्था पत्त नूहहस घी अकय महवा र ई। मानिम इदि बिगर कत्था घी भभना (कल्पना) दिम मना पुल्ली। सुर्रम ए-रा ख़ने फुरचअना ती मेन्देरना गूटी ता हहस (ध्वनि) नू आलर तंगआ बई ती एन्दरा ओथोरनर, अदिनुम हहस बअनर
अ, आ, इ, ई, उ, ऊ, एन्नेम बई ती उरखी आदिम हहस बारई। हिन्दी ता ‘गंगा’ अरा कुँडुख़ ता ‘गंगा’ हहस नू फरक मल्ला, एन्देर गे का इबड़ा एंडो कत्था नू ऑटम हहस र ‘ई, पहें टूड़नो नू एंडो कत्था गहि हहस चिन्हा नू फरक र ‘ई, दहदर रई का इबड़ा नू हहस-फरक गा मल्ला पहें, तोड़-फरक ईथरई। हहस कच्छनख़रना अरा मेन्ना नू बरई, मुंदा तोड़ टूड़ना, बेचना अरा ए-रना नू बरई।
अन्य पढ़े
Kurukh Grammer के बारे में पढ़े|
संदेश
