कुँडुख़ भाषा व्याकरण में गनयाँ (वचन) गहि परिभाषा, प्रकार (ओंद गनयाँ अरा बग्गे गनयाँ) दरा उदाहरण। सीखें Kurukh Vachan (Number) के नियम हिंदी अनुवाद के साथ।
गनयाँ (वचन) गहि परिभाषा
बक ही आ रूपेन गनयाँ बअनर एकदा ती गन (संख्या) अख़तारई। इदिन एने हूँ ब’आ ओंगदात-एका लक ती गन अख़तार’ ई अदिन गनयाँ ब’ अनर।
(शब्द के उस रूप को वचन कहते हैं, जिससे संख्या की जानकारी/बोध होता है।)
उदाहरण (Examples)
इसन “ए-न टूड़ा लगदन । ‘अरा” कुक्कोस बे-चा लगदस। ‘आस मोखा लगदस” बाचका ती ओरोत आल रअना गहि पता लग्गा लगी। दरा “पेल्लर पाड़ा लगनर”। अरा “कुक्कोर बे-चा लगनर” ए-म टूड़ा लगदम। ” बाचका ती बग्गे आल रअना गहि पता लग्गी। ई बग्गे आलारिन गनचकातिम अख़तार’ ई का एवंदा बग्गे रअनर। अवंगेम इदिन गनयाँ बातारकी र’ ई।
कुँडुख़ नू गनयाँ गहि भेद (गनयाँ के प्रकार)
कुँडुख़ भाषा नू गनयाँ ऍड़ बरन गहि मनी (कुँडुख़ में वचन दो प्रकार के होते हैं):
ओंद गनयाँ (एकवचन)
बग्गे गनयाँ (बहुवचन)
1. ओंद गनयाँ (एकवचन)
एका पिंज्जका बक ती ओंटाअख़ता र’ ई अदिन ओंद गनयाँ बअनर।
(जिस संज्ञा शब्द से एक का बोध होता हो एक वचन कहते हैं)
एकासे का (जैसे) :
- कुक्कोस वे-चा लगदस ।
- कुकोय परदा लगी।
- सोमरस बर’आ लगदस
- एन टूडा लगदन।
- मंगरास काला लगदस।
- गोला अड्डो मेना लगी।
- टट्खा मन्न मेच्छ र’ ई।
2. बग्गे गनयाँ (बहुवचन)
एका पिंज्जका बक ती ओंटा ती बग्गेन अख़तारई, अदिन बग्गे गनयाँ बअनर।
(जिस संज्ञा शब्द से एक से अधिक का बोध हो, उसे बहुवचन कहते हैं)
एकासे का :
- पेल्लर पाड़ा लगनर ।
- कुक्कोर बे-चा लगनर ।
- इबड़ा गोला अड्डो मेना लगी।
- अबड़ा अट्खा मन्न मेच्छा र’ ई।
- ख़द्दर बेचा लगनर ।
- अड्डो गुट्टि मेना लगी।
- अबड़ा कुकोयर बे-चा लगनर।
इसन “पेल्लर, कुकोयर, इबड़ा गोला अड्डो, अबड़ा मन्न, खद्दर, अड्डो गुट्टि “अरा” अबड़ा कुकोयर” बआ ख़ने ओंटा ती बग्गे “आल, अड्डो” अरा “मन” रअना गहि पता लग्गा लगी।
अक्सर पूछे जाने वाले प्रश्न (FAQ)
Q1. कुँडुख़ व्याकरण नू गनयाँ (वचन) एका-एवंदा बरन गहि मनी? (कुँडुख़ में वचन कितने प्रकार के होते हैं?)
उत्तर: कुँडुख़ भाषा नू गनयाँ ऍड़ (दो) बरन गहि मनी:
ओंद गनयाँ (एकवचन)
बग्गे गनयाँ (बहुवचन)
Q2. ओंद गनयाँ (एकवचन) अरा बग्गे गनयाँ (बहुवचन) नू का अंतर र’ई?
उत्तर: एका पिंज्जका बक ती ओंटा (एक) वस्तु या जीव गहि बोध मनी अदिन 'ओंद गनयाँ' बअनर। और एका बक ती ओंटा ती बग्गे (एक से अधिक) गहि बोध मनी अदिन 'बग्गे गनयाँ' बअनर।
Q3. कुँडुख़ नू 'गनयाँ' गहि का अर्थ मनी?
उत्तर: कुँडुख़ भाषा नू 'गनयाँ' गहि अर्थ 'वचन' या 'संख्या' (Number) मनी, एका ती बक ही संख्या गहि पता लग्गी।
टिप्पणियाँ
एक टिप्पणी भेजें