फग्गु सेन्दरा

फग्गु पइरी बीरी अगुवस डमुवन ठोकअर बअदस का “गुचा हरो फग्गु सेन्दरा।” डमुवा गहि सड़न मेनर पट्टा ता जो ख़र का पचगिर तंगआ तंग आ कमहड़न तैयार नना हेलेरनर ने गा बल्लुन चकओर, ने गा जल्लिन तेरेम-रेसेम ननोर ने ढइभसा कमओर, ने गा अल्लन गुतरे-गुतरे बअर मे-ख़ोर होरमर सपड़ारअर, औंद अड्डा पढ्दा कूटी उरखर जुमा मनोर। ओहरे असन अल्ला गहि हउकार नखेरना ! जोक्क अल्ला गा नन्नतरा भोंग्गा ये मनो होले अदिन अदि -गहि उरबस डोर ती जो-इअर नतगनूतिम सेन्दरा होओस । टोड़ंग अंड्सनर होले टोड़ंग कूटीतिम धइरे-धइर नंज्जा गे सरियारनर की ओंद कूटी तिम नंन्जा हेलेरनर अत्तरा जल्ली आबोर एका तरा घरियअना र’ई अत्तरा जल्लिन इचओर की ताम अटा ओक्कर माक गहि बरनन एरोर। ने-खअय मुन्धवारेतिम खेरहा, कोटरा मलता इन्दरइम टोड़ंग किंको चो-चा होले आस गूल ननोस का “एरके हरो, एरके हरो माक काला लगी” होंले होरमा नंज्जू आलर लवआ गे तैयार मन्नर कानर ने-खय तरा कालो आसिम लवआ गे तुकओस लवआ उंग्गियस होले गा कोड़ेम मला होले आस गहि चलाबाचका लेबदा ढइमसा का कन्ना दिम आलारिन हूँ लग्गा उँग्गी मलता किंक्को मंइच्या गा -सेन्दरा केरका अल्ला हूँ टुटुरई, तो, आ अल्लन हूँ लग्गा उँग्गी एन्ने ती किंक्को मल लवरा होले अदिन छेकनुम घरियअनुम जल्ली तरा होओर तब – आद एकअम जल्ली नू बझिर’ई काली। जल्ली नू बज्झरा होले असता अटा उक्का आलस अदिन पसअर की पिटोस दरा जल्ली ती ओथोरअर जल्लिन फिन इचओस चिओस। इसन ओंटा कत्था एन्ने रई का माकन ने पसओ आर गे माक गहि ओंटा चटुवन (ओटा गोट्टा खेड) कदही चिअनर। अगर जल्ली नू बज्झरा होले जल्ली उरबस में मलता अल्ला धरअर पिटिया होले अल्ला उरबस गे चिअनर। अवंगेम माकन का किंकोन पसआ गे अपटा मन्दर एन्ने ती अकलक हूँ मनी काली। अवंगेय ओंटा डंड्डी हूँ पाड़िकर रअनर-

“सेन्दरा कादय भइया करेगा कादय
मजही-मजही भइया अमके मना।

चियाँरी दिम लग्गो भइया ढइमसा लग्गो
मजड़ी-मजही भइया अनके मना।

बन्डा अल्लन होओय दरा लिहा-लिहा बओय

मजही-मजही भइया अमके मना ।”

सेन्दरा बीचका ख़ोंखा पुत्तना बेड़ा नू ओंद अड्डा होरमर ख़ों-डोरनर असन होरमा आलर गनरनर का एवंरा झना आलर रअनर, ए-टो जल्ली रई अरा एवं गोटंग अल्ला र ‘ई। पट्टा किर्रर ओंद अड्डा हुरमी माकन मो-चनर कमनर दरा अहड़न हिसा-बखरा नन्नर अरा पोट्टन असानुम इडनर दरा मो-ख़नर । होरमर गे बराबरी बखरा बनी अइय्या अल्ला अरा जल्ली गे हूँ बराबरी नखरा ख़क्टरई ।

अन्य पढ़े

सरहुल (ख़द्दी )- प्रकृति पर्व  के बारे में पढ़े|